Вот как пишет об этом летопись:
"В Ярославле же бышу собранию большому, и подымахуся идти на Москву. Враг же, ненавидя добра роду христианскому и хотяше тот збор благопоручной разорити и вложи мысль Заруцкому и ево советником, како бы убити в Ярославле князя Дмитрея Михайловича Пожарсково. И послаша ис-под Москвы дву человек казаков Обреска да Стенькю в Ярославль к своим советником: к Иваше доводчикову к Смольянину. да к петьмя человеком Смоленским стрельцам, к Шанде с Товарыщи, да к Резанцу к Сеньке Жвалову. Той же Сенька у князь Дмитрея живяше на дворе; он же ево кормил и одевал. Многижда же над ним умышляху, како бы им сонного погубити. Тако ж умышляху и на пути умыслиша зарезати его в тесноте. Бывшу ж ему в съезжей избе, и поиде ис съезжей избы смотрити наряду, которому идти под Москву. И пришел, ста у дверей розрядных. Казаку же, именем Роману, приемшу его за руку, той же Степанка казак, которой прислан ис-под Москвы, кинулся меж их и их розшибе и хотел ударить ножем по брюху князь Дмитрея, хотя его зарезати. И которого человека Божия десница крыет, хто ево может погубити. Мимо же князь Дмитриева брюха минова нож и перереза тому казаку Роману ногу.Той же казак повалився и нача стонати от такие великие раны. Князь Дмитрей же чаяше, что в тесноте его поколоша ножем, а не чаяше на себя такие беды и пойде. Людие же не пустиша ево и начаша вопити, что "тебя хотеша зарезати ножем". И начаша сыскивати и обретоша туто нож. Того же злодея Стеньку не попускаше кровь: тут же стоящу ему. Людие же ево опознаша и ево поимаша и ведоша его всею ратью и посадские люди к пытке и пыташе ево. Он же все рассказаше и товарыщей своих всех сказал, и их переимаша. Они же все повинишася, и землею ж их всех разослаша по городом, по темницам, а иных взяша под Москву на обличение и под Москву приведоша и объявиша их всей рати. Они же предо всею ратью винишася, и их отпустиша. Князь Дмитрей же не дал убить их".